ՀՀ փաստաբանական դպրոցը հյուրընկալեց ԵՊՀ իրավագիտության ֆակուլտետի ուսանողներին
Սեպտեմբերի 25-ին ՀՀ փաստաբանական դպրոցում հյուրընկալվեցին ԵՊՀ իրավագիտության ֆակուլտետի ուսանողները։ Նախաձեռնության հեղինակները ԵՊՀ իրավագիտության ֆակուլտետի ՈՒԳԸ անդամներ, ՀՀ փաստաբանական դպրոցի ունկնդիրներ Վահագն Վարդանյանը և Լուիզա Մելիքսեթյանն էին։
Ուսանողների հետ հանդիպեց ՀՀ փաստաբանական դպրոցի տնօրենի առաջին տեղակալ Ա․ Գևորգյանը, ով, ողջունելով ուսանողներին, շրջայց կազմակերպեց ՀՀ փաստաբանական դպրոցի վարչական տարածքում, որից հետո ներկայացրեց ՀՀ փաստաբանական դպրոց ընդունվելու կարգը, ուսումնառության անաձնահատկությունները։
Քննարկման ընթացքում ուսանողները բազում հարցեր ուղղեցին, որոնք վերաբերում էին տեսական և գործնական ուսուցման տևողությանը, ընթացիկ քննություններին, դատախաղերին, անվճար իրավաբանական խորհրդատվության տրամադրմանը, վերապատրաստումներին։